Јужноафриканскиот претседател Зума го прекршил Уставот на земјата
Уставниот суд на Јужна Африка пресуди денеска дека претседателот Џејкоб Зума го прекршил Уставот на земјата, затоа што одбива да и ги врати на државата парите, што ги користел од буџетот за уредување на неговиот приватен имот.
Во пресудата се вели дека ваквото однесување на шефот на државата значи и „непочитување“ на највисоката правосудна институција во земјата.
На Министерството за финансии му е наложено во рок од 60 дена да определи колкав износ пари, претседателот Зума треба да врати во државната каса.
Случајот со уредувањето на приватниот имот на Зума во местото од каде тој потекнува, неколку години ја бранува јужноафриканската јавност, откако се разбра дека користејќи буџетски средства, претседателот го преуредил имотот и фармата околу него, со изградбата на базен и амфитеатар.
Јужноафриканската антикорупциска комисија, која во домашната јавност е позната како „народно обвинителство“ го испитуваше случајот и уште во 2014 година, заклиучи дека Зума треба да ги врати сите потрошени пари, затоа што неовластено користел државни пари за приватни потреби.
Претседателот ги отрфла обвинувањата.
Зума тврди дека иако локацијата на имотот е негова приватна сопственост, базенот и амфитеатсрот ги изградил за „јавни потреби“ за посетителите на имотот на шефот на државата.
Пресудата на Уставниот суд е конечна и тој овојпат ќе мора да го врати долгот кон државата.
Ново на Сител
-
Во среда авионска дезинсекција против комарци во Скопје
-
Град Скопје: Власта го политизира наместо да го осуди случајот со физичкиот напад врз градоначалничката Арсовска
-
Формиран Кризен штаб за заштита од пожари во Македонска Каменица
-
Украинските ученици наскоро ќе учат да летаат со ФПВ дронови како дел од ажурираната наставна програма „Одбрана на Украина“
-
Исчезна руски воен хеликоптер со пет лица
-
Кривична за кавадарчанец за шест дела „тешка кражба“ и две за „тешка кражба во обид“
-
Сузбиена организирана криминална група инволвирана во криумчарење на мигранти, приведени шест лица
-
Измени во Законот за возила, станиците за технички преглед ќе даваат потврда за регистрирано возило