Израелската армија отвори оган врз хуманитарен конвој на ОН
Израелската армија неколку часа ја држеше на нишан и неколку пати отвори оган врз хуманитарен конвој на Обединетите нации, кој учествуваше во кампањата за вакцинирање на децата во Газа против детска парализа, изјави портпаролот на генералниот секретар на ОН.
Конвој од неколку агенции на ОН, вклучително и Палестинската агенција за бегалци (УНРВА), бил „запрен од израелските сили“ на контролниот пункт Ал Рашид иако ги имал сите потребни овластувања, информира Стефан Дижарик.
Тим од 12 персонал на ОН „беше информиран дека израелските сили сакале да испрашуваат двајца членови од конвојот“, рече тој.
– Ситуацијата брзо ескалираше, војниците го вперија оружјето директно кон нашиот персонал во конвојот, а возилата на ОН беа опколени од израелските сили и отворија оган, рече тој.
Потоа се приближија израелски тенкови и булдожер, „удријаќи ги возилата на ОН и од напред и одзади, блокирајќи го конвојот“, додаде Стефан Дижарик, истакнувајќи дека вработените не можеле безбедно да излезат од возилата.
– Конвојот беше држен на нишан додека високи претставници на ОН контактираа со израелските власти за да се обидат да ја деескалираат ситуацијата и по седум и пол часа на контролниот пункт, конвојот се врати во својата база без да може да ја изврши својата хуманитарна мисија, рече тој.
Ново на Сител
-
Протестна нота за бугарскиот амбасадор, за МНР потегот е несоодветен и неевропски
-
Радуков со позициите на Радев во МНР, одбил да ја прими протестната нота
-
Комитетот почна со истрага во М-НАВ, за неколку дена се очекува првичниот извештај
-
Уставен суд пред конечна одлука, дали да застарува извршувањето на долговите
-
Есенската кошница ќе се носи следната недела
-
Матични лекари не пропишуваат од новите лекови на Позитивната листа поради технички проблеми
-
Нова компресорска станица за хирургија на Клинички идната година
-
Таравари: Премногу се драматизира со бранителите