Изгаснат пожарот на Сува Гора каде гореше борова шума
По околу шест часа изгаснат е пожарот во борова шума на планината Сува Гора во атарот на село Милетино во општина Брвеница. Пожарот, како што информираа од Центарот за управување со кризи, е изгаснат околу 17 часот.
Интервенцијата за гаснење почна од 11 часот од страна на тетовските пожарникари и на три противпожарни авиони „ер-трактор“ на Дирекцијата за заштита и спасување и еден хеликоптер на Министерството за внатрешни работи.
- Пожарот во Општина Брвеница, кај село Милетино е изгасен. Трите противпожарни авиони на ДЗС и хеликоптерот на МВР се повлечени. На терен ќе останат да дежураат вработени од Територијалната противпожарна единица (ТППЕ) Тетово, ЈП „Национални шуми“ и од полицијата, информираа од Центарот за управување со кризи.
Од Територијалната противпожарна единица во Тетово информираа дека една нивна екипа интервенирала и на пожар на отворено во атарот на село Лешок, општина Теарце.
Ново на Сител
-
Во монтажен контејнер во Претор пронајден починат Американец
-
ИДФ тврди дека значително е оштетен објектот за збогатување ураниум во Натанц
-
Кривични пријави против две правни и две физички лица за бесправно градење
-
Сијарто: Не е само до Бугарија, членките во ЕУ што го поддржуваат проширувањето кон Западен Балкан се малцинство
-
Пуштен патот од Охрид до Св. Наум, со 11,7 милиони евра обновени 24,4 километри
-
Трамп: Израелските напади врз Иран се одлични
-
На огласот за самовработување пријавени над 2500 лица
-
Вкупниот промет во индустријата зголемен за 6 проценти во април на годишно ниво