Италијанскиот премиер против финалето на Европско да се игра во Велика Британија поради ширењето на Ковид-19
Италијанскиот премиер Марио Драги смета дека финалето на Европското првенство во фудбал не треба да се одржи во Велика Британија, како што рече, земја со „рапидно зголемување на инфицирани со КОВИД“.
Вчера Драги го посети Берлин, каде се состана со германската канцеларка Ангела Меркел. На прес-конференција, Меркел ги нарече полните стадиони несоодветни за ЕВРО 2020, додека Драги на прашањето за можноста за пренесување на финалето од Лондон во Рим, одговори:
– Да, ќе работам за да се осигурам дека финалето на УЕФА ЕУРО 2020 нема да се одржи во земја со брзо зголемување на заразени.
Финалето на Европското првенство треба да се одржи во Лондон на 11 јули.
Според последните податоци, бројот на новодијагностицирани случаи на инфекција со коронавирус во Велика Британија се зголемил за 10.633 на ден, починале пет лица. Британските власти планираа целосно да ги укинат ограничувањата за коронавирус по 21 јуни, но поради брзото ширење на индискиот вид, укинувањето на сите ограничувања беше одложено за четири недели – до 19 јули.
Ново на Сител
-
МВР: Кривична пријава против поранешен градоначалник на скопска општина
-
Што и како помага психотерапијата | Елена Џебр | Личен развој | Sitel Podcast 031
-
Повреден малолетник, истепан со дрвени и метални предмети од други малолетници
-
Кривична против тројца скопјани за „убиство во обид“ и „соизвршителство“
-
54-годишна скопјанка пронајдена почината
-
ДИК не го прифати приговорот за гласањето во Липково
-
Рендевски и Алексовски автори на поглавје во книгата „Двете страни глутаматот“
-
Пронајдена граната во близина на камп во Гевгелија