Инцко: Додик си игра со оган
Високиот претставник за БиХ, Валентин Инцко изјави дека претседателот на РС, Милорад Додик „игра со оган“ доколку нема намера да се откаже од референдумот за Денот на РС.
Инцко за Политика оценува дека одржувањето на референдумот би имало сериозни последици за БиХ и за регионот, нагласувајќи дека тоа би придонело за дестабилизација на БиХ.
– Време е да се оди на смирување на тензиите, враќање на законските процедури и атмосфера на конструктивен дијалог. Патот за решавање е сосема едноставен – почитување на уставните рамки на државата и нејзините институции. Сонувам за тоа државите кои зборуваат исти или слични јазици да ја искористат таа неверојатна предност во забрзувањето на своите чекори кон иднината, изјави тој.
Според него, во спротивно граѓаните ќе преземат чекори.
– Кој сака да живее во држави со конфликти и спорен напредок, но и потенцијали слични на рудник за дијаманти? Да ги искористиме конечно тие дијаманти големи таленти на нашиот преубав и пребогат европски југоисток, вели Инцко.
Милорад Додик вчера изјави дека не исклучува можност за забрана за одржување на референдумот за Денот на РС, но порача дека тој сепак, ќе биде одржан.
Ново на Сител
-
Апсења на аеродромот во Скопје и на границата „Деве Баир“
-
Димовски: Потребна ни е сплотеност и единство за опстојување и сочувување на македонската држава
-
Возач загина откако удрил со возило во надворешната капија на Белата куќа
-
Тешка сообраќајка на патот Дебар-Маврово, двајца повредени
-
Сообраќајот непречено по наместа влажни коловози
-
Бернар Арно прв на листата на најбогати луѓе во светот, Маск на третото место
-
Драма во Кавадарци: 18-годишник нападнал полицајци кои се обидувале да приведат побегнат затвореник
-
Меси се запиша во историјата на МЛС лигата – Гол и пет асистенции