Хуманитарна акција „Спортистите даруваа“

 

 

 Дека спортистите се исклучително хумани луѓе потврдува и акцијата на нашиот автомобилист Игор Стефановски Иџе 

 

Тој во соработка со Агенцијата за млади и спорт и СЦ “Борис Трајковски” организира крводарителка акција по повод Ден на мирот наречена “Спортистите даруваат”. 

 

„Се собравме на овој ден за да направиме големо дело. Ние спортистите да ја направиме најголемата победа, победа во нашиот живот, да спасиме некој човек, да спасиме навивач кој не бодри од трибините, да спасиме некој сегашен, некој иден спортист. Мислам дека со ова ќе испратиме убава порака до сите идни крводарители и хумани луѓе“, изјави Стефановски. 

 

На повикот покрај хуманите редовни крводарители учествуваа сегашни и бивши спортисти и спортски работници, како и вработените во Агенцијата за млади и спорт. 

 

Директорот на Агенцијата за млади и спорт Марјан Спасески го искажа своето задоволство што е дел од овој проект потенцирајќи дека хуманоста е една од најдоблесните карактерни особени на човекот, а спортистите се секогаш тука кога станува збор за хуманост.