Хорор: Распаднат човечки труп пронајден во кичевско

Вчера околу 13. 10 часот во Полициско одделение - Осломеј, А.О (43) од село Падалиште-Кичево пријавил дека во месноста викана „Бериковски камен“ атар на село Бериково- Кичево, пронашол човечко тело во распаѓање.

 

Увид на лице место извршиле Основното Јавно Обвинителство и екипа од Полициската станица Кичево, по што по наредба на Јавен обвинител телото е пренесено во Општата болница-Кичево, каде е извршена идентификација и било констатирано дека се работи за Р. Р (59) од село Долно Строгомиште, кој на 05.03. годинава бил пријавен за исчезнат.

 

Телото е оставено во Јавната здравствена установа - Општа болница-Кичево за обдукција.