Хисени: Претседателот Мета го прекрши Уставот со двете нозе, мора да биде разрешен
Претседателот на анкетната комисија, за разрешување на претседателот Илир Мета, Алкет Хисени, гостувајќи во емисијата „Вистинска приказна“ на Њуз 24 рече дека „комисијата собрала факти дека Мета го прекршил Уставот со двете нозе оти треба да биде разрешен“.
Додаде дека владејачкото мнозинство воопшто не се чувствува гордо што е во таква ситуација, но, смета дека, неговото разрешување ќе послужи како порака за идните генерации.
-Извештајот ќе биде усвоен од Собранието, бидејќи е придружен со целосни докази што создаваат силно убедување за пратениците дека се соочуваме со кршење на Уставот. Ние не прејудицираме за одлуката што ќе ја донесе Парламентот. Претседателот мора да го брани единството на нацијата. Оваа втора страна на паричката е многу важна. Би сакал парламентот да покаже единство, рече Хисени.
Посочи дека Мета направил две тешки прекршувања на Уставот а тоа е неговото однесување во изборната кампања и недипломатските изјави, пред се кон американската амбасадорка.
-Не зборуваме за квалитетот на личноста и поединецот, туку за околу милион гласови на мнозинството. Не сум горд што сме во оваа ситуација, туку да останеме цврсти и ова да биде порака за генерациите. Сакам да го посочам и несоодветното однесување на претседателот со меѓународните претставници. Сведоци сме дека претседателот постојано војувал со дипломатските претставници, пред се со американската амбасадорка, нагласи тој.
Тој е убеден во, како што вели, добрата одлука на пратениците и очекува новиот парламент да го избере идниот шеф на државата, по конституирањето во септември, но сепак „се зависи од тоа кога и како ќе се произнесе Уставниот суд по одлуката на законодавниот дом“.
Извештајот на комисијата и гласањето за разрешување на Мета ќе бидат на дневен ред на пленарната седница на 9 јуни, по што истата оди на разгледување пред уставните судии.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп