Грчкиот суд одби екстрадиција на тројца од осумте турски офицери

Грчкиот Апелациски суд денеска го отфрли барањето за екстрдиција на тројца од осумте турски офицери, кои побегнаа од Грција по неуспешниот обид за воен удар во Турција во јули минатата година.

Турските власти вторпат побараа екстрадирање на војниците на 30 јануари 2017 година, четири дена по одлуката на грчкиот Врховен суд тие да не бидат екстрадирани поради недоволни гаранции од страна на Турција за праведен судски процес.

Турција ги обвинува пребегнатите офицери по шест члена од Кривичниот закон, вклучително и обид за атентат на претседателот Реџеп Таип Ердоган, како и обид за соборување на Владата, Парламентот и уставниот поредок.

За сега не е одреден датум за разгледување на барањето за екстрадиција на останатите петмина офицери.