На атинското пристаниште Пиреас запленети 54 килограми кокаин во вредност од 2,35 милиони евра
Во контејнер со банани, со потекло од Еквадор и крајна дестинација атинското пристаниште Пиреас, со помош на куче душкач, биле откриени и запленети 54 килограми кокаин во рамки на заедничката акција на инспекторите од Независната управа за јавни приходи на Грција и од Секторот за борба против финансиски криминал, јави дописничката на МИА од Атина.
Поконкретно, како што соопштија од Независната управа за јавни приходи, при рендгенски преглед на надворешниот механизам за ладење на контејнерот била откриена сомнителна органска материја и по позитивна индикација од кучето душкач за откривање дрога следела физичка проверка при што биле пронајдени и запленети 45 пакувања кокаин со вкупна бруто-тежина од 54 килограми.
Вредноста на запленетиот кокаин се проценува на околу 2,35 милиони евра, а според грчката надлежна управа, истрагата продолжува и се испитува можна поврзаност на конкретниот случај со други слични случаи во рамките на напорите за разбивање на меѓународна мрежа за увоз и трговија на дрога
Ново на Сител
-
Мицкоски: Правата на Македонците во Бугарија не се мешање во внатрешните работи на нашиот источен сосед
-
Нови 2.347 случаи на грип во државава, уште еден смртен случај
-
Агелер: Внимателно ги следиме процедурите во Собранието во врска со изгласаните интерпелации за петте членови на Судскиот совет
-
Владата ќе поддржи договор за минималната плата меѓу работодавачите и работниците
-
На ГАК нова надеж за жените со стресна инконтиненција
-
МНР: Софија се обидува одговорноста за неисполнетите меѓународни обврски да ја префрли на Скопје
-
АФП: Растат тензиите во Србија пред саботниот протест
-
Ушаков: Предложениот прекин на огнот не е ништо друго освен привремен одмор за украинската војска