Градоначалникот Трајановски го посети Сингелиќ
Скопскиот градоначалник Коце Трајановски и министерот за животна средина и просторно планирање Башким Амети денеска го посетија Сингелиќ, каде се расчистува теренот.
Град Скопје информира дека во оваа населба се санира оштетената инфраструктура, а пред два дена почна санацијата на цевките во отворените канали и премините.
На терен, како што се наведува, се констатира дека каналите на повеќето премини се целосно санирани и се целосно оспособени за одвивање на сообраќај.
Трајановски, придружуван од градоначалникот на општина Гази Баба Тони Трајковски, го посетија Стајковското езерото со цел да направат увид во состојбата на браната и коритото на езерото.
- Водата од Стајковското езеро не е излеана и браната ја задржала водата во рамки на коритото. Коритото не е пробиено, со што се побиваат дел од шпекулациите дека поплавите се надојдени со попуштањето на браните на Смилковското и Стајковското езеро, рече Трајановски.
Градоначалниците Трајковски и Трајановски посетиле поголем број локации каде екипи на јавните претпријатија и волонтери чистеле на терен во населеното место Сингелиќ. Една од локациите каде се одвивала голема акција за чистење е дворот на црквата „Свети Ѓорѓија“, каде работеле претставници од јавните прептријатија, Армијата на Република Македонија и доброволци од општина Кривогаштани.
Во рамки на теренските посети, градоначалниците ја посетиле и привремената депонија во основното училиште во Сингилиќ, каде се собира сметот од поплавените куќи. Во моментов се работи на целосно расчистување на оваа депонија, која, како штио се наведува, ќе биде целосно расчистена, ќе се изврши дезинфекција и ќе се врати во првобитната состојба за време на почетокот на училишната година.
Ново на Сител
-
Два пожара на отворено регистрирани изминатото деноноќие
-
Драма во Драч: Татко ги земал двете деца како заложници и почнал да пука со калашников
-
Њујорк и Денвер на чекор до полуфинале во НБА плејофот
-
Претрес во струмичко, пронајдена дрога, приведен дилер
-
Запален автомобилот на директорот на затворот ,,Идризово”
-
Халанд и Ортега го доближија Сити до шампионската титула
-
Најстудено на Попова Шапка, најмногу дожд во Крушево
-
Жалби до Управниот суд за изборните приговори, прва средба на работните групи на ВМРО-ДПМНЕ и Вреди