Гореше семејна куќа во Тетово - пожарот бил подметнат

Уште еден пожар ги потресе жителите на Тетово. Како што информираат од МВР, вчера било пријавено дека четвртокот  од 17.00 до 10.00 часот во Тетово на ул.“108“ во куќата на Н.А.(62), од засега неутврдени причина избувнал пожар. Од пожарот најпрвин се запалиле креветот и тепихот поставени во ходникот, а делумно била изгорена и дрвена врата од една соба.

Пожарот најверојатно сам се изгаснал, а на местото на настанот на подот пронајдени биле три пластични шишиња, а во едно од нив имало мала количина на течност која мирисала на гориво - бензин.

Сопственикот се сомневал дека пожарот бил подметнат, наводно од страна на неговиот внук Б.А. бидејќи истиот во неколку наврати преноќевал во куќата, а двајцата имале меѓусебен спор околу нивниот имот.

Увид извршила увидна екипа од СВР-Тетово и се преземаат мерки за целосно расчистување на настанот.