Loading Video...
Фудбал
24. April 2021 - 18:17
Голеада во Кратово, Силекс ја порази Академија Пандев
Фудбалерите на Силекс се вратија на победничките патеки, откако денес ја совладаа Академија Пандев со 3-2.
Кратовци рано отворија, уште во 17-тата минута, кога Георгиев го совлада Јовановски, но погодокот оди на конто на Тантуровски, кој од гол-линијата ја турна топката во празната мрежа.
Шест минути подоцна на 2-0 зголеми Манасиевски по асистенција на Тантуровски.
Се чини, победникот на мечот беше решен во 75-та минута, кога Пепи Георгиев успеа да го измами Јовановски и да зголеми на 3-0.
Две минути подоцна гостите се вратија во игра преку пенал-погодокот на Радески.
За неизвесна завршница се погрижи Димовски, намалувајќи на 3-2 во 82-та минута.
Сепак, со мирна игра во финишот, кратовци не дозволија изненадување и полека исчекорија кон директен опстанок во лигата.
Останатите натпревари на програмата се утре, а двојките се:
ПЕЛИСТЕР - РЕНОВА
ВАРДАР - БЕЛАСИЦА
ШКЕНДИЈА - БОРЕЦ
ШКУПИ - РАБОТНИЧКИ
МАКЕДОНИЈА Ѓ.П - СТРУГА Т.Л.
-
Оливер Арсовски
Сите содржини од овој новинар
-->
-->