Ердоган: САД да ја повлечат одлуката за вооружување на курдските борци во Сирија

 Претседателот на Турција, Реџеп Таип Ердоган денеска побара од САД под итно да ја повлечат одлуката за вооружување на курдските борци во Сирија.

- Многу се надевам дека оваа грешка под итно ќе биде поништена, изјави Ердоган откако Вашингтон објави дека ќе ги вооружува припадниците на курдските Народни заштитни единици во борбата против Исламска држава во Сирија.

Тој наведе дека за тоа ќе разговара и со американскиот претседател Доналд Трамп на 16 мај во Вашингтон.

За Турција Народни заштитни единици се сириски огранок на  Курдска работничка партија, која во Турција, САД и Европа се смета за терористичка организација.