Две Палестинки нападнаа Израелец по што беа застрелани од полицијата

Две Палестинки нанесоа убодни рани со ножици врз Израелец во централниот дел на Ерусалим по што беа застрелани од полицијата.

Портпаролката на полицијата Луба Самри рече дека една од жените е мртва, а другата повредена.

Според службата за итна помош, нападнатиот Израелец добил повреди од среден карактер.

Нападот е извршен на Махане Јехуда, популарен отворен пазар во центарот на Ерусалим.

Во последните два месеца загинаа 18 Израелци во напади на Палестинци, извршени со ладно оружје.