Дејвис куп - финале: Хрватска - Аргентина 1:0

Тениската репрезентација на Хрватска поведе со 1:0 во финалето од Дејвис купот против Аргентина што се игра во „Загребска Арена“. Пред повеќе од 14.000 гледачи (2.000 Аргентинци) првиот поен за Хрватска го донесе Марин Чилиќ, кој во меч во пет сета го победи Федерико Делбонис со 3:2 во сетови. 

Првите два сета го доби Чилиќ со 6:3 и 7:5 во гемови, а потоа Делбонис изедначи откако ги доби сетовите со 6:3 и 6:1. Во решавачкиот беше 6:2 за Чилиќ. Мечот траеше 3 часа и 30 минути.

Во вториот сингл меч денеска играат Иво Карловиќ за Хрватска и Хуан Мартин Дел Потро за Аргентина. Утре се игра мечот во двојки, а во недела на програмата се два сингл меча.