Данска го одложи продолжувањето на вакцинацијата со АстраЗенека
Данските здравствени власти најавија дека ќе го одложат продолжувањето на употребата на вакцината на британско-шведската компанија „АстраЗенека“ против Ковид-19, и покрај тоа што Европската агенција за лекови (ЕМА) вчера соопшти дека вакцината е безбедна.
– Нашата одлука да престанеме со вакцинацијата против Ковид-19 од АстраЗенека до 12-та недела (22-28 март) останува во сила, рече шефот на данскиот здравствен орган Сорен Бростром.
– Во наредните денови, данскиот здравствен орган и данската агенција за лекови ќе го проценат влијанието на оценката на ЕМА за вакцината на АстраЗенека врз данската програма за вакцинација, додаде тој.
Минатата недела Данска беше првата земја што ја прекина употребата на вакцината на АстраЗенека, одлука што ја следеа повеќе од десетина други, претежно европски, земји.
Европската агенција за лекови вчера го објави својот финален заклучок за случаите со лица кои развиле или починале од тромбоза по вакцинирање со вакцина на „АстраЗенека“ и оцени дека вакцината е безбедна.
Имер Кук, извршната директорка на ЕМА, изјави дека во овој момент регулаторот смета дека бенефитите од вакцината се поголеми од ризиците, но не ја исклучува целосно можноста од поврзаност помеѓу вакцината и случаите на згрутчување на крвта. Анализите ќе продолжат.
Во меѓувреме ќе се препорача на здравствените работници и граѓаните да бидат информирани за овие потенцијални нус ефекти и да бидат вклучени предупредувања за вакцината на „АстраЗенека“.
Конечната одлука останува на земјите членки на ЕУ дали ќе продолжат да ја користат вакцината на „АстраЗенека“.
Ново на Сител
-
Флајтрадар 24 не е релевантен извор реагираат од Здружението на контролори
-
Која е причината за труењето на питомци од Воената академија?
-
ВМРО-ДПМНЕ – Директори на ЈЗУ од СДСМ и ДУИ набавувале лекови кои не биле на листата
-
СДСМ: Дипломатски дебакл и понижување на државата при посетата на македонската делегација во Софија
-
Недостатокот на работна сила и нови високомлечни раси говеда го доведуваат во опасност производството на млеко
-
Црвен Крст Охрид го одбележи светскиот ден на првата помош
-
Долорес Лео Поповиќ добитник на наградата Ристо Шишков
-
Избори во САД: Камала Харис и Доналд Трамп во трката за мандат во Белата куќа