Четворица војници загинаа, а еден е ранет во израелски воздушен напад во Сирија

Четворица војници загинаа, а еден е ранет во израелски воздушен напад врз централниот и крајбрежен дел на Сирија извршен вчера, соопштија воени извори во Дамаск.

Државните сириски медиуми, повикувајќи се на неименуван воен функционер, јавија дека израелски авиони го прелетале Средоземното Море и истрелале проектили кон воени позиции.

Сириската опсерваторија за човекови права со седиште во Лондон, опозициска група која ја следи војната, соопшти дека силни експлозии се слушнале во крајбрежната провинција Латакија и во областите Хама и Хомс во централна Сирија.