Чеченскиот лидер Кадиров води кампања за обнова на веќе разведените бракови
Чеченскиот лидер Рамзан Кадиров покрена кампања во Чеченија за обнова на веќе разведените бракови, при што на помош ги повика муслименските свештеници кои го проповедаат шеријатското право, јави Би-Би-Си.
Руските медиуми откриваат дека за кампањата, Кадиров има формирано посебна комисија, која тврди дека досега успела повторно да соедини 948 претходно разведени брачни двојки.
Нема прецизно објаснување зашто била потребна оваа кампања, но се верува дека била покрената во интерес на децата.
Тоа индиректно го објаснил еден чеченски политички функционер, кој не е именуван, а кој рекол дека „мажот може да има две сопруги, ако е тоа добро за децата“.
Секретарот на комисијата за „брачна хармонија и семејни односи“ Расул Усманов смета дека децата страдаат при разводите, особено ако по растурањето на еден брак, тие останат кај таткото, а тој подоцна се прежени со нова сопруга.
Според објаснувањето на Усманов, во вакви ситуации се вклучувала комисијата, која на таткото му наложувала да ја прими назад првата, разведена сопруга, сега како втора жена, по што тој имал две законски сопруги.
- Луѓето во сите такви случаи, сега живеат во складна хармонија, затоа што исламот дозволува еден маж да има до четири сопруги, вели Расул Усманов.
Оваа чеченска комисија сега ги испитува случаите од сите разведени бракови и одлучува кога да интервенира, за да ги натера разведените мажи и жени, одново да влезат во брачна врска со партнерот со кој претходно се развеле.
Некои од нив се противат на целата кампања, тврдејќи дека се води со „нефер притисок“, додека една жена ја нарекла иницијативата- насилничка.
Најмногу приговори имаат оние кои се разведени повеќе од десетина години. Тие велат дека нема да прифатат да им се вратат на своите поранешни брачни партнери.
Ново на Сител
-
Обвинет за убиствата на Вања и Панче е во болница, неизвесно е дали ќе има судење
-
Стримичани вода за пиење ќе добиваат преку цистерни и канистери
-
Тема на денот со Орце Ѓорѓиевски, претседател на ЗЕЛС
-
ОКТА со современа лабораторија ќе го испитува квалитетот на дизелот
-
Отворен регионален центар К9 за дресирање кучиња во Ѓорче Петров
-
Поднесено обвинение против две лица за дивоградба во Охрид
-
Преглед на вестите од светот
-
Се стопираат огласите со „Балансерот“ критериумите - Министерство за администрација издаде насоки до институциите