ЦЕРН покрена истрага поради филмот за принесување на човечки жртви

Европскиот центар за нуклеарни истражувања (ЦЕРН) покрена истрага по објавувањето на филмот, пародија за принесување на човечки жртви, снимен ноќе во нивните простории поради што се доведе под знак прашалник безбедносната на најголемата научна лабораторија во светот.

Видео-снимката на интернет е поставена на 11 август и гледана е 90.000 пати, а покажува неколку луѓе со затемнети лица кои изведуваат обред пред кипот на божицата Шива во дворот на ЦЕРН.

- Видеото е снимено во внатрешноста на нашата зграда, но без наша дозвола и знаење. Покрената е внатрешна истрага, истакна портпаролката на ЦЕРН.

Теоретичарите на заговор, по објавувањето на филмот, тврдат дека во ЦЕРН се изведуваат ритуални жртвувања.