Бројот на загинати во авионската несреќа на Филипини се искачи на 45 лица
Бројот на загинати во денешната несреќа на филипинскиот воен авион „Ц-130“ достигна 45, вклучително и цивили кои настрадале за време на слетувањето на авионот на земја, соопшти Министерството за одбрана на Филипини.
Претходно беше соопштено дека во несреќата загинале 31 војник, а тамошните воени власти јавија дека 50 лица се спасени.
Авионот со 85 патници, тројца пилоти и седум члена на екипажот, денеска се урна при обид да слета на островот Џоло, во провинцијата Сулу, соопшти армијата.
Властите соопштија дека пилотите преживеале, но биле повредени, а дека за време на слетувањето на авионот на земјата биле повредени уште четворица локални жители.
Спасувачките екипи продолжуваат со потрагата по исчезнатите.
Засега не е позната причината за падот на авионот.
Многу војници од авионот неодамна ја завршиле основната воена обука и биле испратени на островот да се борат против тероризмот во овој претежно муслимански регион, пренесоа француските медиуми.
Филипинската војска во јужните делови од земјата со години наназад се бори против исламистичката организација Абу Сајаф, која Вашингтон ја смета за терористичка.
Ново на Сител
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи
-
Поднесена кривична пријава против Самка Ибраимовски за закани и повици за насилство кон судија на Уставниот суд
-
Марк Руте е новиот генерален секретар на НАТО
-
Штипјанец и гевгеличанка лишени од слобода поради дрога
-
Анкета на ИПИС: Мицкоски најпопуларен политичар, граѓаните очекуваат новата власт да биде подобра од претходната
-
ЦУК: Прв координативен состанок за справување со змии