Богато лето за делчевските играорци
Членовите на КУД „Гоце Делчев“ од Делчево интензивно се подготвуваат за настапите на претстојните меѓународни фолклорни фестивали во Бугарија, Србија и Турција. Како што истакна Зенил Реџепов, кореограф на КУД „Гоце Делчев“, пробите се интензивираат, бидејќи ова КУД учествува на фестивали со натпреварувачки карактер и целта им е да се вратат со награди од фестивалите.
- Летниот камп што го организираме во Бургас во Бугарија со Фондацијата „Атанас Манчев“ е камп за лидерство со работилници за лидерство и настап на меѓународните фестивали кои се во рамките на програмата на културното лето. Ќе настапиме на меѓународните фестивалите на летните сцени во Бургас, Приморско и Сончев Брег, рече Реџепов
Тој додаде дека по враќањето од Бугарија, на почетокот на август ќе следуваат настапите во збратимената Јагодина во Србија на традиционалниот фестивал организиран од КУД „Каблови“, но и првпат делчевските играорци ќе настапат на меѓународен детски фолклорен фествал во Каџаели во Турција.
- По враќањето од Турција, се насочуваме кон реализацијата на нашата манифестација Пијанечко-малешевска свадба и традиционалниот меѓународен фолклорен фестивал кој по 41. пат ќе се одржи во Делчево, а ние сме домаќини. Во Делчево очекуваме 15 фолклорни друштва од кои 5 од странство, рече Реџепов.
КУД Гоце Делчев има 202 членови кои се активно вклучени во сите проекти каде се негува фолклорот и традицијата, а досега во 41-годишното постоење на најстарото друштво во регионот, продефилирале над 3.000 членови.
Ново на Сител
-
Ужас во Охрид: 50-годишник повеќе пати силувал девојче кое не наполнило 15 години, девојчето се породило во март
-
Незапаметен случај на лихварство во Охрид: Маж (35) и жена (39) изнудиле 1.160.000 евра
-
Српски воен падобранец загина по скок со падобран
-
Мајкл О’Флаерти: Северна Македонија да продолжи со посветеност на правата на Ромите
-
РСБСП апелира за безбедно и одговорно учество во сообраќајот за време на првомајските празници
-
Почина Николче Здравески, легендата на прилепскиот фудбал
-
Трамп одбележа 100 дена на власт со голем митинг полн со критики кон другите и пофалби за себе
-
Трамп: Мислам дека Путин сака мир во Украина и покрај неодамнешните напади