Без нeправилности на избирачките места на локалните избори во Русија
Руската Централна изборна комисија досега не регистрирала сериозни прекршувања на правилата за гласање на денешните избори на локално и регионално ниво во земјата, изјави за Тасс заменик претседателот на ЦИК, Николај Булајев.
-Досега нема регистрирано прекршувања на правилата за гласање и таму каде што се регистрирани сериозни повреди, доколку ги има, резултатите од гласањето и предвременото гласање на избирачките места ќе бидат поништени. Ова е вообичаена пракса, рече Булајев.
ЦИК на 24 јули ја одобри постапката за одржување на единствен ден за гласање, според кој клучниот ден на гласањето е 13 септември, а предвремените избирачки места се закажани и за 11 и 12 септември.
Руските граѓани денеска гласаат за гувернери и парламенти во десетици региони и градови.
Во Русија денеска се одржуваат повеќе од 9000 локални и регионални избори. Исходот може да има влијание и врз политиката на Кремљ, каде посебно ќе се следи трката за 18 гувернерски места во регионите, пишува Дојче веле.
Во уште 11 региони и 22 градови се избираат локални парламенти и на други места се избираат одделни членови на Државната дума.
Ново на Сител
-
Од понеделник благо опаѓање на температурите и краткотрајни поројни врнежи
-
Град Скопје: Немаме надлежност за дератизација или постапување во случаи со змии, други влекачи или глодари
-
Со над 20 тони вода дејствувано врз пожар во Кичевско
-
Загина 30 годишна Македонка во сообраќајна несреќа Солун, повредени уште три лица | ВИДЕО
-
Цистерна се извртела на автопатот Градско - Велес, сообраќајот пренасочен по стариот пат
-
Жител на Општина Студеничани му се заканувал на својот сосед со гасен пиштол и стрелал во воздух
-
Без струја Тирана и повеќе други градови во Албанија
-
Борел: Европа не е целосна без Западен Балкан