Бериша обвинува дека тројката Вучиќ-Тачи-Рама посакува затвор за Харадинај
Поранешниот албански претседател, екс премиер и почесен лидер на опозициската Демократска партија, Сали Бериша за Би-Би-Си ја коментираше оставката на косовскиот премиер Рамуш Харадинај, што тој ја поднесе по поканата од Специјалниот суд во Хаг.
Според порталот Албеу, кој ја пренесува веста, Бериша изјавил дека нема да се занимава со оние кои прават заговори за тоа кој би можел да биде зад поканата на Специјалниот суд, туку дека тој зборува со факти кои се многу јасни.
Посочува дека зад решетки Харадинај сакаат да го видат тројката Вучиќ-Тачи-Рама, и Батон Хаџиу, на кого поранешниот албански премиер му се обраќа како „Батон Станишиќ“. Хаџиу е познат албански аналитичар по потекло од Косово, кој е советник на премиерот Еди Рама.
-Најзаинтересирани за да го видат Рамуш Харадинај зад решетки, се големосрпскиот претседател Вучиќ и албанофобската тројка Зографот Блис (Еди Рама), албаноговорникот Миладин(Хашим Тачи) и Батон Станишиќ(Батон Хаџиу), изјави Бериша.
Според него, Харадинај е можно да бил повикан од Специјалниот суд откако Белград неодамна испратил досие во Хаг. Сепак, додава, треба да се види дали во тоа досие има вмешаност и албанската тројка, Тачи-Рама-Хаџиу.
Инаку, Бериша веднаш рагираше кога Харадинај поднесе оставка, оценувајќи дека тоа претставува достинствен државнички чин.
-Во овој случај, ја искажувам мојата огромна почит за делото и вистинскиот машки чекор на Рамуш Харадинај и силно верувам во меѓународната правда, која до сега двапати го прогласи за невин, рече Бериша.
Ново на Сител
-
Течат роковите за приговори
-
Почнуваат преговорите, три до четири министерства за ВРЕДИ во новата Влада
-
Грција во исчекување на позициите на ВМРО-ДПМНЕ за Преспанскиот договор
-
ДУИ чека преговори за Влада - Џафери одбива да говори за опозиција
-
Полицијата го пронајде виновникот за пожарот на мостот Беласица: 37 годишникот е веќе во затвор
-
Мерка на претпазливост, редовно јавување во суд за обвинетите за распределба на спортски ваучери
-
Џунглата во дворот на Владата ги скара Џафери и Арсовска
-
Не запира одливот на медицински сестри од јавното здравство