Бајден в понеделник ќе го одржи главниот говор на демократската конвенција во Чикаго
Американскиот претседател Џозеф Бајден ќе го одржи главниот говор на демократската национална конвенција во Чикаго в понеделник, кога симболично ќе го предаде раководството на партијата на потпретседателката и демократска претседателска кандидатка Камала Харис.
Во својот говор, Бајден ќе инсистира дека доколку поранешниот американски претседател и републикански претседателски кандидат Доналд Трамп се врати во Белата куќа, тоа ќе претставува закана за демократијата во САД, изјавија соработниците на Бајден, пренесоа американските медиуми.
Помошниците рекоа дека говорниците на конвенцијата се очекува да ги истакнат достигнувањата на Бајден за време на неговото претседателствување, вклучително и мерките спроведени за време на пандемијата на корона, до големите инфраструктурни инвестиции и реформите во здравствената заштита.
Најавено е дека првата дама на САД, Џил Бајден и други членови на семејството Бајден ќе бидат присутни на демократската национална конвенција во Чикаго.
Бајден се повлече од кампањата за реизбор на 21 јули по притисокот од Демократската партија да го стори тоа, кога ја поддржа Харис да биде демократски кандидат за претседател.
Ново на Сител
-
Пратениците го одобрија унгарскиот заем од половина милијарда евра
-
Наим Рамука сменет од началничкото место поради пропуштањето на возилата на Гаши на „Блаце“
-
„Балансерот" за вработување пред Уставен суд
-
Бугарското МНР во одбрана на амбасадорот Радуков
-
Откажана утрешната средба на историската комисија со Бугарија
-
Различни мислења за есенската кошница: Замрзнување на цените или зголемување на производството?
-
Митева: Наместо пренос на електрична енергија, МЕПСО спонзорирал спортски клубови
-
Студентите реагираат на зголемените трошоци, тече вториот уписен рок на државните универзитети