Бајден: Трамп ја користи американската војска против Американците
Демократите во САД ги осудија заканите на американскиот претседател Доналд Трамп дека ќе испрати војска во градовите и државите за да запрат насилните протести.
Поранешната државна секретарка и кандидат на претседателските избори во 2016 година, Хилари Клинтон, оцени дека станува збор за „застрашувачка употреба на претседателската моќ“.
„Претседателот на САД и нареди на американската армија да употреби солзавец и да пука со гумени куршуми кон мирните демонстранти, како што можев да видам. Тоа е застрашувачка употреба на претседателската моќ против сопствените граѓани. За неа нема место никаде, а не пак во Америка“, напиша Клинтон на Твитер.
Поранешниот американски потпретседател и можен демократски кандидат на претседателските избори, Џо Бајден, оцени дека Трамп ја користи американската армија против Американците.
„Тој фрли солзавец кон мирни демонстранти и испука гумени куршуми. За фотографија“, напиша Бајден.
Демократскиот сенатор Камала Харис го нарече Трамп диктатор.
„Ова не се зборови на Претседател. Ова се зборови на диктатор“, напиша таа.
Ново на Сител
-
Магистралниот пат Охрид - Ресен затворен за сообраќај поради незгода
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми