Апсења во Копенхаген поради возење тротинети под дејство на алкохол и наркотици
Данската полиција уапси 28 луѓе во Копенхаген поради возење електрични тротинети под дејство на алкохол или наркотици.
Во текот на викендот 24 лица се упасени при возење тротинети во алкохолизирана состојба, а останатите четворица се приведени бидејќи биле под дејство на наркотици.
Полицијата за апсењата објавила на Твитер, бидејќи многумина се впуштаат во небезбедно возење на електрични тротинети во главниот град на Данска.
Возачите на тротинети кои возат под дејство на алкохол или наркотици мораат да платат казна од околу 250 евра.
Електричните тротинети станаа популарни во Копенхаген, бидејќи правилата во сообраќајот се прилагодени за помасовно користење на таков вид транспорт.
Електричен тротинет може да се изнајми преку апликација и да се паркира внатре во одредени зони.
Ваквиот вид на транспорт често е критикуван, бидејќи локалните жители се жалат дека голем број возачи на електрични тротинети не внимаваат и има многу повредени.
Тротинетите се популарни низ Европа, но и во градовите како Сан Франциско, Мексико Сити и Њујорк.
Во текот на минатиот месец, градоначалничката на Париз, Ана Идалго најави дека ќе воведе ред во „новонастанатата анархија“ поради големиот број електрични тротинети на улиците и повредите со кои се здобиваат луѓето при возење.
Ново на Сител
-
АМСМ: Од денеска до 31 август забрана за движење на тешки товарни возила при екстремно високи температури
-
Таравари: Работиме на решение за компресоприте во хируршките сали
-
УХМР: Утре нестабилно време со пороен дожд, грмежи и град
-
Владата планира разузнавачките служби да функционираат во една агенција
-
Македонскиот амбасадор во Албанија на средба со министерот Муцунски по објавените податоци од пописот
-
МВР: Приведени 19 лица на фестивал во Дојран, кај нив била пронајдена дрога
-
Мицкоски: На господинот Филипче му посакувам успешна работа, да бидат конструктивна опозиција | ВИДЕО
-
Високи претставници на демократите во САД отфрлаат засега можност за замена на Бајден поради повиците тој да се откаже од трката за претседател