АИ: Суданската армија користела хемиско оружје против цивили во Дарфур
Организацијата за заштита на човековите права „Амнести Интернешанл“ (АИ) тврди дека суданската влада дозволила нејзината армијата да користи хемиско оружје против цивили, вклучувајќи и деца, во провинцијата Дарфур.
Според АИ, само во последните напади извршени во текот на јануари годинава, со ова забрането оружје биле убиени најмалку 200 лица, меѓу кои и на десетици деца.
Лугето кои биле жртви на хемискиот напад повраќале крв, имале проблеми со дишењето и гледале како им отпаѓа кожата, додека оние кои успеале да ги преживеат нападот и „отровниот чад“ имаат поинаква боја на очите и на кожата.
Владата во Картум ги отрфла обвинувањата на АИ, оценувајќи дека станува збор за „бесмислени тврдења“ на „Амнести Интернешанл“.
Организацијата, меѓутоа, по осум месечна истрага обезбедиле 56 сведоци, кои зборувале за злосторствата на суданската армија против сопствениот народ во Дарфур.
Сведоците тврдат дека армиските сили го користеле хемиското оружје „барем во тресетина случаи“ врз цивилите во одалечениот реон Џебел Мара. Тие објаснувале и за постојаните бомбардирања, за убиства, насилства и силувања од страна на војската.
Суданската Влада и Армијата војуваат во Дарфур против локалните бунтовници веќе 13 години.
АИ сега бара од меѓународната заедница да спроведе истрага за користењето оружје за масовно уништување во Дарфур, како и да се изврши притисок врз Владата во Картум за да им се помогне на лугето од оваа суданска провинција.
Ново на Сител
-
Мицкоски од САД: Македонија е на иста линија со политиките на Трамп
-
Како изборите во Германија ќе влијаат на односните Скопје-Берлин?
-
Без напредок заврши уште една средба на македонските и бугарските историчари
-
СДСМ бара одговорност за најавите за вработувања во администрацијата, ВМРО-ДПМНЕ демантира
-
Кочоска: Не може да гледате цени само во еден маркет и да велите пораснаа цените
-
Работна група од влада ќе ги „чешла“ деталите од бугарскиот предлог за железничкиот тунел
-
Тема на денот со д-р Злате Мехмедовиќ, комисија за заразни болести
-
Масовна партизација или популизам: Меџити најави илјадници вработувања на Албанци во администрацијата