Од безбедносни причини прекинат планинарски марш до врвот Руен

- Кога се искачивме над 1500 метри надморска висина се спушти густа магла која со снегот беше се погуста и погуста, снежната покривка изнесуваше 30 сантиметри и беше небезбедно да продолжиме кон врвот РУен. По моја препорака и препорака на претседателот на клубот „Балкан“, Миланка Арсиќ која е искусен планинар од Белград, ја прекинавме акцијата, бидејки ако приближувајки се до самиот врв Руен доаѓавме до самиот гребен со што ориентацијата ни стануваше проблем и поради безбедноста на сите планинари решивме маршот да биде прекинат, рече Чучуковски.

 

Додаде дека, иако маршот е нереализиран, тој е успешен бидејки сите планинари кои учествувале на маршот се вратиле назад по безбеден пат. Како што најавија Чучуковски, маршот повторно ќе биде организиран, но само кога временските услови ќе го дозволат тоа.

 

Ова беше последната активност на ПСК „Голак“ од Делчево за 2018 година, година во која за своите активности минатата недела клубот ја доби престижната награда Даре Џамбаз.