Младите македонски кошаркарки убедливо ја совладаа селекцијата на Косов

Македонската женска селекција за кошаркарки до 18 години ја извојува првата победа во подготвителниот циклус, на гости во Приштина совладена е домашната селекција на Косово со убедливи 51-35.

За нашата женска јуниорска селекција пријателската против врсничките од Косово беше првиот подготвителен натпревар во склоп на подготовките за настап на Европското првенство дивизија Б во Сараево, Босна и Херцеговина.

Нашите млади кошаркарки под водство на селекторот Горјан Стојановски, помошниот тренер Енвер Мифтари и коодринаторот на сите женски селекции Стојна Вангеловска одиграа одличен натпревар во кој доминираа од почетокот до крајот на средбата.