Целосно обновено музичкото училиште во Прилеп
Вкупно три милиони денари чинеше комплетната реконструкција на основното музичко училиште „Ордан Михајлоски Оцка“ во Прилеп чие заокружување денеска беше пригодно одбележано. Средствата ги обезбеди Општината, а, како што соопшти градоначалникот Марјан Ристески, обновата се случува првпат по 93 години.
- Училиштето доби обновена зграда, одлични услови за работа што ќе бидат стимул за талентираните ученици, рече Ристески.
Директорот на училиштето Игор Николоски додаде дека се направија големи зафати. - Проектот опфати комплетна промена на три нови плочи, на целата електрична инсталација и внатрешната столарија, како и реконструкција на скалилата. Со него се реши еден децениски проблем кој го имаа учениците и наставниците, истакна Николоски.
Во периодот додека се вршеа зафатите, два месеца наставата се изведуваше во други училишта и простории. Но, од денеска, напомена Николоски, наставата продолжува тука, непречено и поквалитетно.
За потребите на училиштете, неодамна беше набавено и концертно пијано, инвестиција вредна 1,2 милиона денари, а парите беа обезбедени од локалната самоуправа и од донатори.
Во „Ордан Михајлоски Оцка“ настава посетуваат 410 ученици.
Популарно од Македонија
Ново на Сител
-
Тошковски: Петкратно зголемена ефикасноста во постапувањето по случаи на семејно насилство
-
Двајца од седумте хоспитализирани со западнонилска треска се во критична состојба, за уште тројца други се чекаат резултати
-
АПЕЛ ЗА ПОМОШ: Теодора, мајка на 18-месечно бебе, се бори со рак – потребни се 3,4 милиони денари за лекување
-
Нетанјаху призна дека опаѓа поддршката за Израел во САД, вината ја гледа во социјалните мрежи
-
Вучиќ: Изборите ќе бидат распишани согласно Уставот и интересите на граѓаните на Србија
-
Мицкоски до Филипче: Со вас бевме на врвот по бројот на починати во корона кризата
-
ЦУК: Активни пожари во Долнени и Кичево, под контрола пожарот кај Кавадарци
-
Две нови електронски услуги на ДИЗ: сертификат за извоз на вино и сертификат за земјоделски производи, преработки и стоки
