ЗОИ: Прво злато за Русија

Александер Бољшунов доминираше во скиатлонот 15+15 километри, за да го освои првото злато за Русија (официјално Рускиот олимписки комитет) на Олимпијадата во Пекинг.

Откако пред четири години во Пјонгчанг освои три сребра и една бронза, 25-годишиот Бољшунов го победи својот сонародник Денис Спицов за златото, додека шампионот од 2018 година, Финецот Илво Нисканен го освои бронзениот медал.

Победата за Бољшунов е уште поимпресивна откако тој падна на стартот на трката, но се врати моќно и поведе со предност од повеќе од една минута на четири километри до крајот.