ЗНМ: Запалено возило на новинарка
Здружението на новинари на Македонија најостро го осудува инцидентот во кој беше запалено возилото на дописничката на порталот САКАМ ДА КАЖАМ.МК, Сузана Вренцовска, од Охрид.
Возилото било запалено на 05 јануари 2024 година, во дворот на семејната куќа, во гаражата каде што било паркирано. Според првичните информации, постои сомнеж дека станува збор за намерно предизвикан акт, велат од ЗНМ.
„ Ова не е изолиран инцидент. Во октомври 2024 година беше запалено и возилото на колегата Благој Серсемов, уредник на локалната телевизија и онлајн медиум М-нет од Штип. Иако мотивите за овие напади сè уште не се утврдени, важно е да се истакне дека ваквите инциденти, доколку немаат правна разрешница, може да создадат чувство на несигурност меѓу новинарите и да ја поткопаат нивната работа во служба на јавниот интерес“, се вели во реакцијата на ЗНМ.
Од таму ги повикаа институциите да го расчистат случајот, а сторителите да бидат идентификувани и соодветно санкционирани.
Ново на Сител
-
Студен бран со дожд и снег
-
Таравари: Нема лекарска грешка во врска со седуммесечното бебе кое почина на Детската клиника
-
МВР: Внимавајте телефонските измами се сѐ почести, не споделувајте лични податоци
-
Лидерот на „Преродба“ Костадинов бара припојување на Македонија и украинска област кон Бугарија
-
Европратеници побараa дебата за „злоупотребата на социјалните мрежи“ до страна на Илон Маск
-
Одложено е објавувањето на номинациите за Оскар поради разорните пожари во Лос Анџелес
-
Бројот на приговори за заштита на податоците не ја намалува нивната валидност, реши Европскиот суд на правдата
-
Девизните резерви надминаа пет милијарди евра