Значително намален бројот на илегални преминувања на надворешните граници на ЕУ, особено на Западен Балкан
Бројот на илегални преминувања на границите на Европската унија во првите шест месеци од 2024 година, според податоците на Фронтекс, е намален за речиси една третина (30 проценти), на околу 94.000, пренесува Хина.
Од главните миграциски рути, најголемо намалување на бројот на откриени илегални гранични преминувања, има на Западен Балкан и Медитеранот, а најголем пораст е забележан на источните копнени граници и кон Западна Африка. Најмногу илегални мигранти на сите рути годинава имало од Сирија, Мали и Авганистан.
Бројот на откриени илегални премини на западнобалканската рута е намален за дури 72 отсто, а медитеранската рута, која лани забележа најголем број нелегални преминувања, бележи пад од 61 отсто. И покрај тоа, таа остана најактивната рута оваа година со речиси 26.000 откриени преминувања.
Во меѓувреме, западноафриканската рута продолжи да бележи рекорден број на откриени преминувања. Вкупниот број на илегални мигранти кои пристигнале на Канарските острови во првата половина од годинава се зголемил за 174 отсто, на речиси 20.000.
Втората најактивна миграциска рута во првата половина од годината беше Источниот Медитеран, каде што бројот на пристигнувања се зголеми за 75 отсто, на близу 25.000.
Во првите шест месеци од 2024 година е забележан и значителен пораст на илегалните преминувања на источните копнени граници, со нагло зголемување од 148 отсто или над 6.700. Огромното мнозинство од мигрантите откриени на оваа рута биле државјани на Украина.
Фронтекс нагласува дека со повеќе од 2.900 офицери и персонал ангажирани во различни операции, тие остануваат посветени на заштитата на надворешните граници на ЕУ.
Ново на Сител
-
Кавадарчанка со тврд предмет ја нападнала мајка си
-
МВР: Краен рок за промена на возачките дозволи со старото уставно име е 31.12.2024
-
ЈО: Психотропни супстанции пронајдени во стан во Скопје, поведена истрага
-
Судскиот совет попладне ќе ја одржи 498 седница
-
На Попова Шапка најниска температура и најмногу дожд
-
Влада: Oбезбедуваме по 11 илјади денари К15 за над 84 илјади вработени во администрација
-
Дождот ги изгасна сите пожари на отворено
-
Измените на Законот за локална самоуправа утре на собраниска седница