Живата на термометарот нагло се качува - од утре промена на времето

Времето во Македонија ќе биде сончево и топло со мала облачност и со слаб до умерен ветер од северозападен правец.

Утринската температура ќе се движи од шест до 13, а дневната 27 до 32.

Во Скопје ќе биде сончево со мала облачност и со слаб до умерен ветер од северозападен правец.

Утринската температура до 12, а дневната ќе достигне до 30 степени.

Во четврток попладне во планинските подрачја ќе има услови за појава на краткотраен дожд со ретки грмежи. Од петок попладне ќе настапи позначително дестабилизирање на времето, па во наредните денови на повеќе места ќе има пороен дожд и грмежи. Локално процесите ќе бидат поинтензивни, во форма на невреме со интензивен пороен дожд, појава на град и засилен ветер, особено в петок и в сабота.