Зголемен бројот на туристи во Македонија

Во Македонија бројот на туристи во февруари годинава бил 32.467 што е 9,2 отсто повеќе во однос на истиот месец лани.

Според Државниот завод за статистика, бројот на домашните туристи е зголемен за 17,6, а бројот на странските за 4,9 проценти.

Зголемен е и бројот на ноќевањата за 16,2 процента, односно за 19,8 на домашните и за 13,9 отсто на странските или, евидентирани се вкупно 72.385.

Во периодот јануари-февруари 2016 во однос на истиот период претходната година, бројот на туристите е зголемен за 12,9 отсто, кај домашните за 16, а кај странските 11 проценти. Бројот на ноќевањата, пак, е зголемен за 18,2 отсто, кај домашните туристи за 24,2, а кај странските за 13,8 проценти.