Земјотрес во Грција со јачина од 5,7 степени
Првиот земјотрес се случил на југот на Грција нешто по 8 часот утрово, со јачина од 5,2 степени според Рихтеровата скала, а само една минута подоцна следел уште еден, посилен земјотрес од 5,7 степени според Рихтеровата скала.
Првично било соопштено дека земјотресот бил со јачина од 6 степени, но набрзо тој бил сменет на 5,7 степени според Рихтер.
Според ЕМСЦ, земјотресот се случил во морето, на само неколку километри од популарниот туристички остров Закинтос и 37 километри од градот Филијатра.
Земјотресот, според ЕМСЦ, бил почувствуван на оддалеченост од 600 километри од епицентарот и покрај тоа што го почувствувале Грците, се тресело и на Малта, Италија и во Албанија.
Граѓаните на веб-страницата на ЕМСЦ известуваат дека земјотресот бил силен.
„Куќата се тресеше“, „Траеше околу 20 секунди“, „Немаше многу бучава, но куќата се движи лево десно“,се само дел од коментарите од граѓаните на ЕМСЦ.
Засега нема информации за повредени или материјална штета.
Ново на Сител
-
Над 10 отсто од лицата на возраст за пензионирање во ЕУ и натаму работат
-
Митева: Никој што е вмешан нема да биде амнестиран во истрагата за Кочани
-
Американските власти го привеле најпознатиот „тиктокер“ во светот, Хаби Лејм
-
Градоначалникот на Тирана, Велиај, останува во притвор, одбиено барањето за поблага мерка и понудената кауција
-
Иран ја проширува забраната за шетање кучиња во дваесетина градови: „Нечисти се и се симбол на Западот“
-
Орбан: Русија не може да победи ниту во Украина, а не пак да се спротистави на НАТО
-
Квaлификaции зa CП 2026: Макeдoнијa победи прoтив Кaзaxстaн
-
Невреме во Букурешт: Поплави, соборени дрвја и доцнења на летови