Завршува вториот филмски фестивал за монтажа „Синематик“

Вториот Фестивал на филмска монтажа „Синематик“ ќе заврши вечер со проекција на германската драма „Генерација Милениум“  во режија на Јана Биргелин (2017) и со доделување на наградите „Златен рез“ за филмовите во конкуренција.

Фестивалот го организира Асоцијацијата на филмски професионалци и ТВ-соработници на Македонија со поддршка од Агенцијата за филм. 

Беше отворен во четвртокот со македонска премиера на албанско-италијанско-македонската копродукција „Скршено“ во режија на Едмонд Будина.

Лауреат на наградата за животно дело на годинашниот фестивал е познатиот монтажер Андрија Зафрановиќ кој вчера одржа мастер-клас за студентите од Факултетот за драмски уметности, а во негова чест беше прикажан филмот „Уставот на Република Хрватска“.

Во официјалната програма на вториот „Синематик“ беа и филмовите: „Хармс“ во режија на Иван Болотников; „Лето 1993“ на Карла Симон, „Генерација Милениум“ во режија на Јана Биргелин и „Центарот на мојот свет“ на Јакоб Ерва.