-->
-->
Завршени првите две фази за маркирање на првата планинарска патека на планината Огражден
-->
Во Берово заврши првата и втората фаза од проектот за маркирање на првата планинарска патека на планината Огражден. Маркирањето, како што информираше Љупчо Чучуковски, претседател на ПСК „Голак“, клуб кој е носител на проектот, се реализирало во должина од 10 километри во правец од општина Берово кон врвот Огражден.
– Почетна точка за мапирањето ни беше Баскалска маала во село Двориште, потоа се движевме по Еленски рид, продолживме кон Шаренкова колиба, го искачивме врвот Сува воденица, се до крајната цел врв Огражденец на 1.746 метри надморска висина, информира Чучуковски.
Во наредниот период, ќе пристапиме кон третата фаза со поставување патокази и инфо табла која ќе ги има сите технички карактеристики и која ќе биде поставена во село Двориште.
– Оваа планинарска патека, е според сите законски прописи и правилници на Федерацијата на планинарски патеки и Агенција за поддршка и промоција на туризмот, а во наредниот период истата ќе биде комплетирана и ќе се најде како туристичка понуда на општина Берово, дополни Чучуковски.
Поради тоа што планината Огражден е најнеискачуваната планина од страна на планинарите, а и со цел нејзина промоција, на крајот на месец септември, ПСК „Голак“ и огранокот „Сосна“, ќе организираат планинарски марш кој ќе биде долг 20 километри со висинска разлика од 850 метри.
-->
-->
-->
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ