Зависници од дроги кои се на одвикнување во Конопиште, чистеа отпад кон планината Кожуф
Зависници од дроги кои се на одвикнување во центарот Нарконон во Конопиште, чистеа отпад кон планината Кожуф. Директорката на центарот, Александра Димевска-Јокиќ денеска појасни за МИА дека на овој начин, тие одбележале половина век од формирањето на првиот Нарконон во светот.
– Сега во светот постојат околу 50 вакви центри. Секој на свој начин го одбележа значајниот датум. Нашиот Нарконон Балкан одлучи да даде придонес во општеството. Го исчистивме целиот отпад од селото Конопиште, како и регионалниот пат од Мушов гроб до месноста Катуниште, нагласи директорката, заблагодарувајќи се на тимот од 25 лица кои чистеа, но и на службата „Мој општинар” при општина Кавадарци, која е задолжена собраниот отпад да биде однесен на соодветно место.
Нарконон Конопиште постои 16 години, а неодамна беше кажано дека е еден од најуспешните вакви центри во светот. Овде на одвикнување доаѓаат лица од земјава, но и од странство.
Ново на Сител
-
АХВ нареди нови мерки на Струмички Комуналец
-
Освен казни, Пазарна ќе запленува и роба ако продолжат прекршувањата на владината мерка
-
Тема на денот со Никола Димитров
-
Поплаки и оваа година за дел од таксистите
-
Ристески: Новиот Закон за работни односи после 7 години ќе излезе од фиока
-
Преглед на вестите од светот
-
Почина бебе на Детска Клиника - Телото е на обдукција, вонреден надзор во понеделник
-
„Конти“ - Лесна заработка или тешка измама?