Затворена синдикалната просторија на Независниот синдикат на возачи на ЈСП „Скопје“
Претседателот на Независниот синдикат на возачи на ЈСП „Скопје“ Африм Муча денеска на прес-конференција обвини дека генералниот директор и раководството на Јавното сообраќајно претпријатие „Скопје“ без никаква основана причина за иселување и без консултација насилно ја обиле бравата на синдикалната просторија каде биле сместени повеќе од осум години.
Намерно, како што рече, им се забранува целосен пристап до просторијата и документацијата за да ги попречат да комуницираат со членството. Тоа, според него, е класичен притисок во работата на синдикатот.
Муча информира дека поради тоа што се трудат да ги бранат интересите на вработените во ЈСП „Скопје“ подолго време се соочуваат со огромни притисоци.
- Поради работата на синдикатот овој период, јас како претседател се соочив со прераспределба на пониско работно место, а секретарот на синдикатот пред извесно време доби неоснован отказ од работа. Очигледно е дека им пречиме зашто кренавме глас против ограничувањето на правото за регрес за годишен одмор и многу други права кои му следуваат на секој работник, рече Муча. Додаде дека со оваа постапка е прекршен Законот за работни односи, членовите 184 и 186 и Уставот.
Тој побара сите инволвирани во овој случај да сносат одговорност и да се изврши ревизија на нивното работење и отповикување од нивната функција поради, како што рече, ваквото грубо и незаконско однесување.
Одговарајќи на новинарско прашање, Муча рече дека во моментов не се знае точниот број на вработени во ЈСП „Скопје“, но се претпоставува дека има околу 1.500. Нивниот синдикат имал над 525 членови, а сега имаат 396 члена. Додаде дека реагирале до Трудовата инспекција, до министерката Царовска, до премиерот Заев, градоначалникот Шилегов и добиле ветување дека наскоро ќе бидат повикани на разговор, но тоа не се случило.
Претседателот на КСС Благоја Ралповски изјави дека неколку месеци се обидувале како раководство да направат договор со одредени лица од менаџментот на ЈСП „Скопје“ за да се надминат овие состојби. Додаде дека не функционираат социјалниот дијалог и партнерство, а тоа се отсликува на локално ниво и во институциите. м
Ново на Сител
-
Демири: Хируршките сали се стари, Клинички ќе користи надворешни компресори додека не стигнат испитувањата
-
Пронајдени две неексплодирани гранати во Скопје
-
Тешка сообраќајка во Куманово: Две лица загинаа
-
Осумгодишно девојче со хеликоптер пренесено од Скопје во Истанбул за операција
-
Косово доби статус на придружна членка во Парламентарното собрание на НАТО
-
До четврток нестабилно со услови за невреме, викендот натпросечни температури
-
Пејачот Амар Исмани е жртвата од синоќешното пукање на „Пластичарска“
-
Дачиќ: Хулигани во Белград до смрт го претепале братот на вицепремиерот на Владата на Федерацијата БиХ