Започна жетвата на јачменот во Кочанско
Во Кочанско започна жетвата на житните култури. Земјоделците од селата Тркање, Бање, Соколарци и Спанчево ги ожнеаја првите површини под јачмен, кои во кочанскиот регион се застапени на површина од 3.336 хектари.
Приносите, како што истакнуваат од Подрачната единица на Министерството за земјоделство, шумарство и водостопанство во Кочани, се под очекувањата, пред се поради пролетните мразеви.
Под житни култури во Кочанско се насеани 6.606 хектари од кои пченицата е засеана на 3.085 хектари, ржта на 110 хектари, овесот на 25 хектари и другите житни култури на површина од 20 хектари.
Земјоделците годинава очекуваат намалени приноси и кај пченицата за 20 до 30 проценти, што е резултат на лошите временски услови посебно во зимскиот сушен период во регионот.
Жетвата на пченицата се очекува да започне за неколку дена за што ќе бидат вклучени десетина приватни комбајни и останата механизација. Одгледувачите на пченица од Кочанскиот производен регион очекуваат зголемена цена на лебното жито при откупот.
Ново на Сител
-
57-годишна битолчанка насилно силувана од сопругот
-
Царинската управа за една година наплатила над 177 милиони евра
-
Пожар во затвор во Сплит, неколку затвореници хоспитализирани
-
Еврокомесарот за одбрана предупредува: Воjната веќе не е незамислива
-
Сиљановска-Давкова го потпиша Договорот на ОН за заштита на водите и обезбедување нивен одржлив развој
-
Тошковски: Има обид за девалвација на процесот за набавка на униформи
-
Јаневска: Учебници ќе има за секое дете, ќе ги надминеме недоразбирањата со некои училишта и општини
-
Ако уште еднаш му се повтори ќе биде разрешен, кажа Мицкоски за Идризи кој одби да одговори на македонски на новинарите