Захариев: Орденот „Свети Никола“ годинава за кардиохиругот Жан Митрев
Орденот „Свети Никола“ годинава градоначалникот на Општина Штип, Илчо Захариев ќе го додели на кардиохирургот Жан Митрев. Захариев денеска на прес-конференција истакна дека орденот и признанијата „Свети Никола“ ќе бидат доделени на свечена академија во соборниот храм „Свети Никола“ во недела на 18 декември.
-Орденот Свети Никола ќе го добие нашиот почитуван кардиохирур д-р Жан Митрев. Со своето дело и ангажман тој спаси илјадници животи, направи најмодерен кардиоцентар не само на Балканот, туку и во Европа и една таква личност која пораснала во нашиот град заслужува да го добие ова врвно одликување. Овен тоа, д-р Митрев подари четири куќи на Општината кои се наоѓаат во Ново Село и ние веќе работиме на проект за нивна обнова за што обезбедивме 50.000 евра, вели Захариев.
Тој истакна дека признанија ќе добијат и раководители на три државни институции и четворијца штипјани.
- Признанија ќе добијат директорката на Агенцијата за финансиска поддршка на рурланиот развој Билјана Вуковиќ, со чија помош и пари реализиравме седум проекти низ руралните средини. Потоа директорот на ЈП за државни патишта Александар Стојанов, затоа што околу Штип се градат важни патишта, а тие помогнаа и во уредување на влезовите во Штип, од Кочани, Скопје и околу Ново Село како и пред некој месец и од Карбинци кај Караорман. Третата институција е Агенцијата за млади и спорт, за директорот Марјан Спасески, оти благодарение на него направивме осум спортски терени, рече Захариев.
Признание „Свети Никола“ ќе добијат и новинарот Љупчо Шатевски, кој 30 години информира за градот Штип и како дописник на весникот „Дневник“ придонесе за промоција на градот и источниот регион, потоа универзитетскиот професор Борче Крстевски, поранешен проректор на универзитетот „Гоце Делчев“ и декан на Рударско-геолошкиот факултет. Признание ќе добијат и тројца вработени од Одделението за јавни набавки во Штип, Кире Јорданов, Александра Ангеловска и Никола Опашинов, кои како што рече Захариев само оваа година направија над 100 јавни набавки и овозможија постигнување на помала цена при тендерите со што општината заштеди пари за нови проекти.
Ново на Сител
-
Филипче официјално избран за претседател на СДСМ на внатрепартиски избори
-
Вучиќ: Мандатар за состав на нова влада е Ѓуро Мацут
-
Забрана за сообраќај за тешки товарни возила на Струга – Ќафасан
-
Задолжителна употреба на зимска опрема на патот Тетово – Попова Шапка
-
Таравари: Раководство на партијата ќе се обиде да најде заеднички јазик со коалицијата „Вреди“ за локалните избори
-
„Сите имаме повредени или загинати роднини и пријатели, револтирани сме од овој гнил систем“, истакнаа организаторите на протестниот марш во Кочани
-
Царините на Трамп предизвикаа „хаос“, повеќе од 50 земји бараат преговори со Белата куќа
-
Лидерот на најголемата опозициска партија во Турција побара предвремени избори