Заев: Тука сум, сум се борел, се борам и ќе се борам, но ми треба поддршка од народот
Мојата порака е борба, посебно до прогресивните сили, чуварите на иднината, интеграциската иднина на нашата земја и чуварите на вредностите на едно општество за сите, да излезат на изборите и да гласаат онака како што мислат дека е најдобро за нив, за нивните општини и за нашата татковина, изјави премиерот Зоран Заев на денешната прес-конференција одговарајќи на новинарско прашање дали ќе поднесе оставка доколку кандидатот на коалицијата на СДСМ загуби в недела на изборите за градоначалник на Скопје.
– Потврдувам дека сум борец човек и апелирам на борба. Го исправив нашиот народ со сите детални информации што треба да ги знае, кои се опциите при изборот. Тука сум, сум се борел, се борам и ќе се борам, но ми треба поддршка од народот заради тоа што локалните самоуправи, Градот Скопје, се многу важни во секојдневниот живот на граѓаните и во секојдневието на државата, посебно со засилените ингеренции што ќе ги добијат со третата фаза на децентрализација, изјави Заев на заедничка прес-конференција со министерот за финансии Фатмир Бесими, на која го презентираа усвоениот План за забрзан економски раст 2022-2026 година.
Прашан доколку се случи сценариото тој да се повлече, дали има идеја кој од партијата би можел да биде негов наследник, Заев уште еднаш повика народот да излезе на избори и да се избори за прогресивна иднина.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка