Заев: Недозволиво е употреба на дрога кај советник во кабинет на највисоко ниво
Премиерот Зоран Заев денеска изјави дека е информиран за разрешувањето на советникот Шпат Касапи од кабинетот на вицепремиерот Артан Груби, оценувајќи дека не може лице на такво високо ниво да биде поврзано со недозволени активности.
Тој смета дека брзо е реагирано со оглед дека вицепремиерот вчера разбрал од медиумите.
– На работен состанок, првиот заменик претседател на Владата ме информираше директно мене. Недозволиво е употреба на дрога кај советник во кабинет на највисоко ниво. Веднаш презеде дејствија уште денеска да го разреши поради таа одговорност. Ме информираше на редовниот состанок утрово после седница на штабот, кај 10 часот, имавме состанок и тој вчера разбрал од медиумите, рече Заев од Тетово кој беше во новите простории на Државниот пазарен инспекторат.
Одредени медиуми објавија дека пејачот Шпат Касапи пред еден месец, бил фатен со пакетчиња кокаин во населбата Ѓорче Петров во Скопје. Тој ги негираше сите обвинувања, велејќи дека тие се само клевета.
Ново на Сител
-
Министерство за здравство: Четворица пациенти кои вчера се вратија од странство се во одлична состојба, денеска очекуваме уште осум
-
Сообраќајна несреќа помеѓу две возила, едно лице е повредено, а едното возило го напуштило местото на настанот
-
Прегазен 80-годишен пешак во Македонска Каменица
-
Тепаната жена од Радовиш не сака да поднесе предлог за гонење, кажала дека снимката е од лани
-
По втор пат се одложи повторното судење за сообраќајната несреќа во која животот го загуби Теодора Ристовска
-
Јаневска: Во најголем дел од училиштата во земјава постои исправна противпожарна опрема
-
Недостигаат околу 40 инспектори за секоја општина да може да постапува соодветно, вели претседателот на ЗЕЛС
-
Георгиевски: Децата учат во безбедни училишта, јавноста и родителите да бидат спокојни