Заев: Не постои ниту една пречка за прогласување на афтокефалност на МПЦ-ОА
Со благословот и Tомосот за афтокефалност на МПЦ-ОА што Српската православна црква го упати до Вселенската патријаршија веќе не постои ниту една пречка и очекуваме патријархот Вартоломеј да ја прогласи МПЦ-ОА и официјално за афтокефална. Нека е за многу години овој голем ден, историски за православието и за македонската државност, напиша на Фејсбук поранешниот премиер Зоран Заев.
Тој потенцира дека македонскиот народ и сите граѓани на Северна Македонија, сите заедно одлучивме да живееме во мир, единство, слога и напредок.
-Одлучивме да решаваме проблеми и да создаваме иднина. Договорот од Преспа, членството во НАТО, Отворен Балкан и политиките на добрососедство се причината зошто од денес македонскиот народ нема проблем ниту со името на својата македонска земја, ниту со својата Македонска православна црква – Охридска архиепископија, ниту со својата безбедност и сигурност. Живееме и ќе живееме во слога со нашите балкански браќа и сестри, целосно ја заокружуваме нашата духовна и државна независност, напиша Заев.
Ново на Сител
-
Уште 5 дена кампања
-
Меѓусебни обвинувања во левицата
-
Велигденска хуманитарна акција во Струмица
-
Бројот на пловила се зголемува, но нема марина
-
Преглед на вестите од светот
-
Се гласа за Српската влада
-
Тема на денот со Иван Пешевски, ССМ
-
Масовен протест за 1 Мај: Синдикатите побараа 450 евра минимална плата од новата влада