Заедничка вечера на шефовите на дипломатиите од ЕУ и Западниот Балкан во Луксембург
Брисел – Во пресрет на утрешниот Совет за надворешни работи на ЕУ (ФАЦ), вечерва во Луксембург ќе се одржи неформална вечера на шефовите на дипломатиите на земјите членки на Европската Унија и на државите од Западниот Балкан.
Вечерата, чиј домаќин е високата претставничка на ЕУ за надворешни работи и безбедносна политика Каја Калас, ќе претставува можност за размена на мислења на европските министри со нивните колеги од Западниот Балкан за пристапниот процес и за актуелните меѓународни случувања.
Инаку, Западниот Балкан ќе биде една од темите и на утрешната средба за министрите за надворешни работи на ЕУ во Брисел. Покрај за регионов, на заседанието на ФАЦ ќе се разговара и за најновите случувања поврзани со Украина, за состојбата на Блискиот Исток, пред се во Сирија, како и за односите меѓу ЕУ и Африка. Предвидено е и министрите да ја одобрат Заедничката позиција на ЕУ за контрола на извозот на оружје.
По завршувањето на Советот ќе се одржи и првиот Дијалог на високо ниво меѓу Европската Унија и Палестинската управа, а по него и четвртата Меѓувладина пристапна конференција ЕУ-Албанија.
Ново на Сител
-
Академски пленум: Професорите ќе поднесат петиција за вонредни избори, Вучиќ и Мацут поканети лично да ја примат
-
Владата на САД го одзема правото на Харвард да запишува странски студенти
-
Трипуновски: Новиот Закон за земјоделство и рурален развој на ЕНЕР, акредитацијата на ИПАРД 3 не е загрозена
-
Мексико се уште преговара со Трамп за царините
-
Холандската централна банка до граѓаните: Секое домаќинство да има кеш - 70 евра по возрасен и по 30 евра по дете
-
Лишен од слобода возач во Штип, управувал возило со 2,27 промили алкохол во крвта
-
Сиљановска-Давкова во телефонски разговор со Зеленски изразила поддршка на напорите за крај на војната
-
Од 1 јули ќе почне првото намалување на царинските тарифи за 50 отсто