За нов премиер на Франција назначен досегашниот министер за внатрешни работи Бернар Казнев
Францускиот претседател Франсоа Оланд го назначи денеска за нов премиер досегашниот министер за внатрешни работи Бернар Казнев, се наведува во соопштение од Елисејската палата.
Казнев ќе го замени Мануел Валс, кој поднесе оставка за да се вклучи во претседателската трка во Франција напролет, пренесува БТА.
Новиот француски премиер, на возраст од 53 години, беше министер за внатрешни работи од 2014 година и успеа да се справи со реакцијата на смртоносните напади извршени од џихадистите во земјата минатата и оваа година.
- Казнев е силна личност, со искуство во државните работи, изјави извор од опкружувањето на Оланд.
Валс поднесе оставка на позицијата премиер на Франција, за да се вклучи во борбата за номинација на владејачките социјалисти за претседателските избори во земјата, чиј прв круг е закажан за април, а евентуалниот втор круг - за мај.
Ново на Сител
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје
-
Сончево и топло, максималната температура до 38 степени
-
Во Израел денеска е ден на протести, со барање за распишување избори
-
Втор круг од парламентарните избори во Франција, се предвидува релативна победа на десницата