Вселенскиот патријарх Вартоломеј и бугарскиот Неофит ќе разговараат за МПЦ-ОА
Одлуката на Бугарската православна црква да се ангажира за застапување пред помесните православни цркви за воспоставување на канонскиот статус на Македонската православна црква се очекува да биде тема на разговор на претстојната средба меѓу бугарскиот патријарх Неофит и вселенскиот патријарх Вартоломеј.
Двајцата партијарси заеднички ќе служат литургија во обновената бугарската црква „Свети Стефан“, позната како Железна црква, во Истанбул на 7 јануари.
Извори од БПЦ досега во неколку наврати навестуваа дека нивната одлука за МПЦ веќе и е позната на Вселенската патријаршија.
Неофит ќе биде дел од официјалната делегација, предводена од премиерот на Бугарија, Бојко Борисов. Во бугарската делегација ќе бидат вклучени и митрополитите Гавраил Ловчански и Наум Русенски.
За Истанбул утре ќе замине старозагорскиот митрополит Кипријан, кој има задача да учествува во последните подготовки за долгоочекуваното отворање на реконструираниот храм.
На литургијата ќе учествуваат Борисов и претседателот на Турција, Реџеп Таип Ердоган.
Реконструкцијата на црквата траеше шест години, а чинеше околу 3,5 милиони евра.
Ново на Сител
-
Најмалку 18 лица загинаа, а 30 се ранети во три напади на жени бомбаши самоубијци во Нигерија
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград