Волкановски го врати УФЦ појасот и го собори рекордот во „перо“ категорија
Александар Волкановски е новиот УФЦ шампион во „перо“ категорија! Поранешниот шампион на оваа дивизија го врати појасот по заминувањето на Илја Топурија во лесна категорија, а слободното место го зазеде по вечерашната победа над Диего Лопез на настан во Мајами, каде победи со едногласна одлука.
И покрај одличниот настап на момчето од Мексико, кој пред борбата со Волкановски доби „шанса за титулата“ по петте последователни победи во октагонот, искусниот Австралиец покажа зошто е еден од најодликуваните борци (5 одбрани) во „перо“ категорија. Со своето искуство и „фајтерски коефициент на интелигенција“ доминираше во сите пет рунди, а храброто срце и самопожртвуваноста на Лопез, на крајот, не беа доволни за да ги убедат судиите.
Инаку, видовме вистинска војна во режија на овие борци, па навивачите и гледачите во „Арена Фајт“ имаа можност да уживаат во првокласна борба, како што доликува на меч за титулата. Еден куп сериозни размени и многу тактичко надмудрување видовме во „стенд-апот“, каде во неколку наврати мечот лесно можеше да отиде во друга насока.
-Убаво е чувството што се вратив овде. Му ветив на моето семејство дека ќе ја вратам титулата. Сите ме отпишаа бидејќи имам 36 години. Ја добив шансата по два последователни порази, а сега се враќам овде, на врвот. Имам голема почит за Лопез. Неверојатен момент, навистина голема привилегија. За ова ќе се пишува и ќе се снимаат филмови – соборен е рекорд!, рече Волкановски во изјавата по натпреварот.
Александар Волкановски сега има 27 победи и четири порази во октагонот, а единствените два под капата на организацијата УФЦ му беа против Илија Топурија и Ислам Махачев (двапати). Првиот пораз го забележа на стартот од кариерата против Кори Нелсон
Ново на Сител
-
Американски бискуп бара Трамп да се извини што се прикажа како папа
-
Чествување на Денот на македонскиот јазик и 80-годишнината од кодификацијата на македонскиот стандарден јазик
-
За денеска се очекува средба Мицкоски-Таравари, тема функционирањето на Алијанса за Албанците во Владата
-
Трамп повторно го отвора озогласениот затвор Алкатраз
-
Зеленски: Поединци го блокираат пристапот на Украина кон ЕУ за да добијат место на Црвениот плоштад
-
Штрајк на вработените во судството во Србија
-
Претпладне сончево и топло, попладне краткотраен дожд и ретки грмежи
-
Претседателот на Малдивите светски рекордер - држеше 14 часа 54 минути прес конференција